-Polo San Miguel remata o verán-

Pois sí, en Pontedeume, hoxe remata o verán... e o rematamos tal e como o comezamos: de romería. San Migueliño (parte II)... ¡e logo din que segundas partes nunca foron boas!

¡Pasádeo ben e nos vemos (ou non) arriba!

-Antigas costumes-

¡Qué ben! O concello parece que está a facer unha campaña de recuperación das antigas costumes.

O pasado mércores estivo máis de medio pobo sen auga dende a madrugada ata ben entrado o serán. Parece ser que foi a causa dunha avería (outra máis) na Praza da Calzada... E os veciños tivemos a ocasión de ir ás fontes, como antigamente, a encher as sellas có insípido líquido, namentres parolábamos esperando o turno...

... E, a noite anterior, varias rúas do centro do pobo, estiveron sen luz pública (outra vez) toda a noite. Como aínda non está ocupado o posto de sereno, non houbo quen poidera acender os candís das farolas, e tampouco poidemos chamalo para que nos abrise as portas das nosas casas. Unha mágoa...

Pero bueno, isto mesmo pasaba co anterior goberno, e, dáme na alma, que pasará igual có vindeiro. En fin, todo seña por recuperar os antigos usos. Entre outros usos, creo que tamén nos deixarán a medio pobo sen tele dentro de dous anos, xa que o repetidor do castelo case que colle as ondas en branco e negro... e non chegan para poder sintonizar o TDT. ¡Mellor!, así voltamos á antiga costume de contar historias diante da lumbre dempóis da cea...

¡Bó fin de semana pra tod@s!, e, recordade (os que se dean por aludidos): non emporquedes o pobo máis do que xa está.

P.D.: Grazas a tódalas vosas visitas, este blog xa leva máis de 2000 entradas: ¡GRAZAS!

-Preescolar na casa-

Inicio do programa “Preescolar na casa - Educar en familia” curso 07-08

Dende a Concellería de Servizos Sociais, Sanidade e Ensino do Concello de Pontedeume invítase a tódolos pais e nais que teñen fillos e fillas entre 0 e 3 anos a participar na reunión de presentación do programa Preescolar na casa – Educar en familia.

¿Que é “Preescolar na casa”?

“Preescolar na casa” é un programa de formación de pais totalmente gratuito sobre a Educación Infantil, no que os profesionais da educación traballamos xunto coas familias que teñen nenos de 0 a 6 anos.

¿Que obxectivos ten “Preescolar na casa”?

- Que os pais sexan auténticos protagonistas á hora de mellora-la educación dos seus fillos con métodos sinxelos.

- Que os nenos desenvolvan as súas capacidades no medio familiar durante os primeiros anos da súa vida.

- Que pais e fillos manteñan contacto con outros nenos e adultos.

Para isto “Preescolar na casa” fai reunións quincenais nas que se propoñen actividades moi prácticas para a vida cotiá, nas que participan os pais cos seus fillos xunto coa mestra-orientadora; e nas que tamén se tratan cuestións básicas de hábitos dos nenos: a alimentación, o sono, a hixiene,etc, apoiadas por diversos medios educativos.

Para infomar a tódalas familias da zona máis polo miúdo de cales son os obxectivos e as actividades que se desenvolven, vanse celebrar dúas xuntanzas:

Lugar: Centro Municipal de Maiores. Pontedeume

Data: 27 de setembro de 2007 ás 16:00 horas.

Lugar: CEIP Boebre.

Data: 26 de setembro de 2007 ás 16:00 horas.

Máis información: Servizos Sociais Concello de Pontedeume

(Enviado por Servizos Sociáis de Pontedeume)

-Remataron as festas-

Unha mágoa, pero é así: remataron as nosas festas... e tamén os mexos, cristáis, polbo, vomitonas,... , bueno, polo menos ate ó vindeiro fin de semana. E eu pregúntome: ¿ata ónde pode chegar o civismo da xente? A min mexáronme na porta do negocio, chegando a entrar os mexos no mesmo, e apunto de estropearme as mercadorías que ahí tiña.

¿Qué me diría o rapaz ou rapaza se lle mexara eu na súa play-station? ¿Acaso non hai suficientes bares cos seus respectivos baños pra o seu uso? Non o entendo. ¿E se no momento do acto "vexigal" pasaran por ahí os seus pais, diríanlle algo?... Unha vergoña.

Tanto para o ben do meu negocio coma para o resto do pobo, ¡un pouco de sentidiño, que non temos 5 anos!

Polo demáis, felicitacións á organización das festas (inda que houbo moitos "despistes", supoño que debido o pouco tempo pra argallalas) e para o vindeiro ano, a melloralas.

-Cursos e xornadas da asociación Breamo-

A asociación de veciños Breamo de Vilar-Campolongo, ofértanos uns cursiños e xornadas para este outono-inverno 2007-2008, e que son os seguintes:

1. Curso de plantas medicináis (iniciación á fitoterapia e cosmética natural), que será impartido por expertos de Milhulloa (S. Coop. Galega) e terá lugar do 20 de setembro ó 6 de outubro.

2. Xornadas micolóxicas impartidas por expertos da Asociación Micolóxica Viriato. Terán lugar do 11 ó 28 de outubro.

3. Curso de fruticultura, impartido polo experto divulgador Alberto Varela. Será do 3 de novembro ó 13 de marzo.

O horario habitual será os xoves de 19 a 21 horas no local da asociación. Haberá saídas ó campo e visita á instalación os sábados en xornada de mañá.
Para máis información e reservas, telfs.: 639 421 421 ou ben 652 700 305

-Obradoiro de saúde na rede en Pontedeume-

Onte chegoume a traveso do correo electrónico a información sobor dun obradoiro de informática que vos paso a comentar.

O Concello de Pontedeume en colaboura coa Rede de Dinamización de Sociedade da Información, celebra os vindeiros 13 e 14 de Setembro, en FOREMDES, un obradoiro de saúde na rede.

A actividade dividirase en dúas sesións de dúas horas cada unha(de 10 a 12 da maná) e trataranse contidos tales coma tramitar a tarxeta sanitaria, información sobre alimentación e nutrición, hospitáis e farmacias de garda, ou cómo manterse en forma entre outros contidos; todo a traveso de internet.

As persoas interesadas, poderanse inscribir no departamente de Servizos Sociáis do Concello. O prazo da inscripción remata o día 12 de Setembro ás 14h.

O único requisito para apuntarse é ter coñecementos básicos de navegación por internet.

(Enviado por Bárbara Fernández)

O que non sei é se é de valde ou hai que pagar algo, esperemos que nolo confirme.