-Unha palla mental-

Hoxe chamoume a atención unha noticia que lin na prensa: "Abdalá Bin Abdulaziz recuerda que Madrid fue musulmana".

Eiquí vai a miña palla mental:

-Abadalá Bin Abdulaziz recorda que Madrid foi musulmana.
-Madrid recorda que o País Vasco, Cataluña e Galicia son españolas.
-Navarra recorda ó País Vasco que foi parte do Reino de Navarra.
-Aragón recorda a Cataluña que pertenceu ó Reino de Aragón.
-Galicia recorda ó resto do mundo que pertence ó seu País, índa que haxa algúns pobos (Estados Unidos, Corea ou Namibia entre outros) que índa falan unha ramificación da lingua prehistórica que se falaba hai anos en Galicia.

De todos é sabido que antigamente só existía un continente: Pangea, e que no centro dése continente se encontraba a rexión da Galaecia, onde existía un Paraíso Terreal e uns Xardíns Colgantes (que non estaban en Babilonia). Ó longo da historia formáronse novos continentes e os galegos foron repartíndose por todo o mundo.

Agora hai moitos países que se cren que non teñen nada que ver con nós: ¡craso erro! Son países ós que lles deixamos a liberdade de ser nación, índa que sepamos que son parte do noso reino.

Dende eiquí unha aperta a todos eles e ó galego que se perdeu polo espacio tamén. Algún día voltará, porque a morriña é a morriña.



P.D.: a parte que se refire a Pangea non foi idea miña, o lin nunha paxina en internet, da cal non recordo o nome.