-¿Regulación do feirón drástica?-

Sábado un tanto extraño. De todos é sabido que a Praza do Conde estanna a amañar (a ver se definitivamente), co cal, os postos do feirón non poden montar alí.

Dende primeira hora da mañá xa houbo xaleo, e con razón, por parte dos feirantes, xa que o Concello non lles avisou de que este sábado non podían motar os seus postos na Praza do Conde e nas rúas Betanzos e Couceiro Freijomil.

A alameda era a solución do Concello, pero non a dos feirantes, xa que de sabelo, algúns deles non virían hoxe debido á mala experiencia que tiveron a anterior vez que alí os situaron. A estas horas non vos podo decir se montaron na alameda ou non, pero, as pintas que tiñan ás 11 da mañá, era de non montar.

En fin, eu a pedir a regulación do feirón e o Concello a regular como lle dá a gana sen previo aviso...

¿Irregulación do feirón xa? (o deste pobo segue a ser de tolos).